احبكـ كلمه في حقك شوي

بسم الله الرحمن الرحيم
تحياتى عازف الاوتار
هجيب ليكم كل جديد بس ياريت الردود

توضيح:روايتي
رومنسييه جريئه جدا ابغى تفاعل يا حلوين

والحين اتركم مع البارت (الأول )
واتمنى يعجبكم واشوف تفاعل وكلمه احب اذكر فيها الكل انو
اي روايا تكون بدايتها
عاديه ومع البرتات راح تكوون احلى يعني البارت الأول مثل التعارف
^_^

روايتي تبداء بتعرف الشخصيات وراح ناخذ فكره عن
الشخصيات
عائلة(ابو فزاع)وتتكون من حمدالي هو ابو فزاع وعمره56سنه الله
يطول
بعمره ونورا والي هي ام فزاع وعمرها 43سنه الله يطول بعمرها واكيد
ولدهم
الكبير والوحيد فزاع وعمره 23سنه واخواته رهف وريوف وهم
توأم وعمرهم 20سنه
وبنتهم الصغيره رنداوعمرها 10 سنين.

اما عائلة(ابو فارس)وتتكون من سالم والي
هو ابو فارس وعمره 53سنه
وزوجة ابو فارس والي هي فاطمه وعمرها 36سنه والي تزوجها
بعد
ماماتت ام فارس وهي تولد بنتها رغد ابو فارس ماعنده الا ولد وبنت
وهم
فارس وعمره23سنه ورغد وعمرها 20 سنه.
اماباقي الأبطال نتعرف عليهم من خلال
الروايا
يوم الثلوث الكل نايمين نومت العصر الساعه3ونص

ريوف:ماما ماما
الحقيني فزاع بيقتلني
ام فزاع:ريوفوه وش فيه اخوكي ليه معصب منك وش سويتي له
الله
يعيني عليكم
ريوف:يما الحين انا جايه اللجاءلكي وتقولين الله يعيني
عليكم هذاوانا جايه اشكي لك حالي
جاء فزاع وهو مولع من العصبيه
فزاع:ريوفوه
وبعدين معاكي كم مره اقولك لاعاد تاخذين السيديات من غرفتي
ريوف مندسه
وراامهاوتطالع:ياخي سلف وكلها يومين وارجعها وخلاص
فزاع:لاحول ولاقوة الابالله
وبعدين معاكي طيب استلفتيها الحين وينها ماتقولين
ريوف:.....
ام فزاع:ريوفوه
طلعي لأخوكي اغراضه تراكم دوختوني اطلعو عني ابي ارتاح ياملا الوجع
فزاع:ايه
يما قولي لهاترجع السيديات غثت قلبي لففتني كل البيت وراها والي يموت قهر اني كل
ماشريت لي سيديه شريت لهازيه وياخساره حماره مب راضيه تحافض عليه لاوبعد كل هاذا
تاخذ السيدي حقها وحقي وتضيعها الأثنين خليني ساكت احسن
ريوف:وجع كل هالكلام
وتقول خليني ساكت وش خليت للي يتكلمون اجل ماشالله الف كلمه
بالثانيه لوز انشالله
تو فزاع بيتكلم الاوابو فزاع داخل من برا

ابوفزاع:فيفو عيب احترمي اخوك تراه اكبر منك وعيب تكلمينه كذا
راحو ريوف
وفزاع يسلمون على ابوهم
ريوف بدلع:باباتي شوف فيزو
فزاع:فيزو بعينك
ياحولا
ريوف:باباتي شوف يقولي حولا
ام فزاع:بس عاد انتي وياه كأنكم بزران
نعنبوكم عجزتو اعقلو
ريوف سمعت كلمة عجزتو من هنا فكت عيونهامثل
الفناجيل
ريوف:يما حرام عليكي والله توني في عز شبابي
فزاع ينرفزها:عز
ولاخالد ههههههه
ريوف:ماتضحك وتراك تافه لأبعد الحدود وقاعد تحاول تكون ظريف
بشتى
الوسأل بس نصيحه لاتحاول
فزاع:ليش انشالله لااحاول
ريوف:لانو مستحيل

ام فزاع:يالله عاد طولتوها اطلعو فوق انتي وياه دوختو ابوكم
ريوف:اوكي
مومي
فزاع يقلد صوتها:اوكي مومي
ريوف بدلع:فيزووووووووو
اما في جهه ثانيه
من الفله
رهف:رندا خلاص حبيبتي لاتبكين بليز
رنداوهي تبكي:والله موقصدي

رهف:طيب خلاص لاتبكين بس انا محذرتك مليون مره ماتمسكين رواياتي
اللي
اشتريها ليش لعبتي فيها قلتلك خذي كل شي الارواياتي خلاص
هذي اخر مره يارنودي
اتفقناولابعدها ماراح اسامحك
رندا:اتفقنا بس لاتعصبين علي الله يخليكي انا
احبك
رهف حزنت عليهاوبحنيتها المعتاده:اوكي خلاص حبيبتي يالله غسلي
وجهك
وتعالي بوسيني خلاص ماعاد راح اعصب عليكي
(وبتسمت لهاابتسامتهاالحنونه
ومسحت دموع اختهابصابعهاالدافيه)
رنداتبتسم :طيب
في غرفة ريوف
ريوف
تدلع:فروس حبيبي خلاص مايبي لها كل هالزعل والله مايسوى علي
قلت ماسمعت
الجوال
فارس وهو معصب:ريفو اناكم مره قلت لكي خلي جوالك بيدك انا ماصدق
ابوي
يعتقني لوجه الله من الشغل واطير اكلمك وانتي راميه الجوال
وتقولين
ماسمعتو
ريوف وصوتها تغير وسار فيه دموع بعينها:انا اسفه والله موقصدي
فارس
بحنيه:ريوف حبيبتي تبكين خلاص انااللي اسف وحقك علي والله
موقصدي ابكيكي ياقلبي
خلاص روقي ماسار الى الخير الله ياخذني نكدت
عليكي
ريوف:بسم الله عليك
انشاالله يومي قبل يومك
فارس:يعني تحبيني
ريوف:...........
فارس:ياروحي
على الي يستحون والله ويلوموني فيكي احبــــــــــــك

ريوف استحت خصوصا وان
فارس ولد عمها وبكره الربوع يعني اجتماع
العائله كلها من اكبرهم لأصغرهم في فلة
جدهاواكيد بتشوف فارس
حبيبها وولدعمها من بين الموجودين .
ريوف
بدلع:فروووووووووسي خلاص
فارس:فديت اسمي من هالفم والله عسل
الاوشوي وتسمع
احديدق الباب
ريوف بهمس:لحضه فارس في احد يدق الباب ...ميين
رندا:انا
رندا
ريوف:تفضلي
رندا:فوفي ماماتي تقولك انزلي لأن وليد جاي الحين وكلنا
بنجلس سوا
ريوف:اوكي يالله روحي وانا بلبس وجايه وراكي يالله
روحي
رندا:اوكي
وطلعت رندا
ريوف في نفسها الله يعين اكيد فارس عصب الحين
افففف اناماصدت يرضى
طبعا فارس يغار على ريوف من ضلها ومايبي احد غيره
يشوفهاوخصوصا
وليد لان وليد ولد خالتها ويحبها ويحب يبين لها خصوصا انو وليد

جرئ وماعنده مانع يقولها قدام اهلها انو يحبهاومايهمه احد ويدري
ان ريوف
ماتبيه بس هو معروف عنه ماعند احساس ورامي وجهه بارغم
من كذا هوجميل جدا وفوق
كل هاذا له هيبه ورزه ومكانه بالمجتمع
ورغم صغر سنه الاانه اثبت جدارته وفتح
شركات وكبرها وسارت معروفه
وهو معروف بالعربي(اي بنت تتمنا ولانو ريوف الوحيده
اللي بغاها
وردته سارمتجنن عليها ويبيها)...

ريوف:فروس هلـ
فارس
قاطعها وهو معصب والغيره مقطعه قلبه :ريوف ليه ماتعذرتي
بأي شي كيف يعني
بتقعدين معاه مافي نزله لتحت لوتموتين
ريوف:فارس ماماتي الي مناديتي يعني ماقدر
احقرها اوعدك اقعد شوي
واطلع ها وش قلت بعدين هذي مو اول مره اتعذر لمن يجي اهلي
بيشكون
فارس:ريوف قلت لايعني لا ومابي كلام بالموضوع اقعدي بغرفتك لمن
يذلف
وبعدين انزلي ع كيفك محد منعك
ريوف بدلع:اووووووه فروس والله ماطول
وعدوعد حبيبي ماطول خلاص عاد
وبعدين انت تدري ان عيوني ماتشوف غيرك ولامافي
ثقه
فارس ذاب من كلامها ودلعهاواستسلم:اوكي بس ياويلك لوتنزلي
ببنطلون البسي
لبس ساتر وانزلي ولاتطولين ولابقتلكي اليوم اوبقتل
وليدوه وارتاح
ريوف:ابشر
حبيبي اي شي ثاني
فارس:ريوف تغطي ولاتقولين اخواتي واخواتك انا مالي دخل
الافيكي وبس
ريوف:حاااااااضر مايسير خاطرك الاطيب اوامر ثانيه

ريوف كانت
مطيعه لفارس وكأنه زوجها مو حبيبها لدرجة حتى لمن تطلع
تستأذن وفارس يحبها ويغار
عليها لدرجة انو يمشي بسياته ورى
سيارتها الصباح وهي رايحه
الجامعه

فارس:ريوف
ريوف:لبيه
فارس:احبــــــــــك
ريوف استحت
وقفلت الخط بوجهه
فارس بعد ماقفلت بوجهه:هالبنت مجنونه والله مدري ليه احبها
ههههه
بتجنني معهاهالخبله
(ريوف بنت مره جميله ملامحها طفوليه وهي دلوعه بس
مرجوجه شوي
وشخصيتا قويه وجذابه واي احد يشوفها مايقدر يشيل عيونه عنها
ان
كان بسبب حركاتها او جمالها او شخصيتها بالعربي تطيح الطير من

السما)
اما رهف(جميله وماتقل عن ريوف شئ بس ماكأنهم توأم رهف
شخصيه
هاديه انطوائيه والأهم رومنسيه لأبعدالحدود وحنونه بنسبه
لشكلها هي ماتشبه ريوف
ابدا بس جميله جدا ملامحها هنديا وسمارها
برونزي وهدوئها وادبها مخليها اروع
ومدمنت روايات خربي حيانتها
موتيها قطعيها بس رواياتها لاتقربين منهاابدورمنسيه
وحساسه جدا)
نزلت ريوف من الدرج وكانت لابسه تنوره طويله جنز وبلوزه بيظه

مخصره على جسمها ومقسمه تقسيم اساسا هذا لبسهادايما بس مع بنطلون
مو تنوره
والي يساعدها اكثر جسمها الي كأنها عارضة ازياء وكانت
حاطه ميكب خفيف جدا لانها
ماتحتاج اصلا بس لو فارس شافها بهذا
اللبس كان نحرها خصوصا البلوزه الي لابستها
والطرحه كانت قصيره
جدا بحيث مغطي وجهها ومادرت عن جسمها
ريوف:السلام
عليكم
الكل:وعليكم السلام
رهف عيونها بتطلع من مكانها
رهف بهمس :ريوف ليش
متغطيه اسلمتي هه ولاهذي من طلبات فارس
ريوف تهمس: دامك تعرفين ان فروس يغار علي
فهذا من طلباتو علشان
انزل لوليد وبعدين وجع بشكلك شايفتني كافره عشان اسلم
ومازن ماهو
عاجبك موولد عمك عساك العمى
رهف بهدوئها المعتاد:ريوف فارس لوشاف
بلوزتك كان ترجاكي تستري
بلوزتك وتفتشي شعرك ووجهك ان بغيتي
ريوف
باستغراب:ليه؟؟؟؟؟
رهف:شوفي البلوزه كيف مخصره بيقتلك
ريوف:من جد طيب خلاص
نزلت وانتها الموضوع اففففف شسوي
رهف:مدري الله يعينك
وليد:فوفو وش اخبارك
انشالله بخير
ريوف وجع مطيح الميانه قال فوفو قال:تمام والله انت
كيفك
وليد:انادامني شفتك اكيد بخير
ريوف:تسلم
وليد:يسلم حالك الاوش
هالزين كله
ريوف بقلبها:هذا وانا متغطيه قزني قز جعل عيونه العمى(بعدين
قالت
بصوت مسموع)تسلم والله
شوي ودق جوال فزاع والتفت الكل عليه قام فزاع
احتراما للجالسين
ورد
فزاع:هلا والله ابو سالم شخبارك؟؟؟
فارس:هلا والله
بالغالي
فزاع:وش هالتصال المفاجئ تو مانور الجوال
فارس:بنور اهله وش بقولك
خلصت من الدوام ودي امرك البيت ولا مشغول
فزاع:لاوالله بس وليد ومازن موجودين
عندنا اذا حاب تعال نتقهوى
فارس ماكذب خبر بس لازم يثقل:لاوالله اخاف اضايقكم
واضايق الأهل
فزاع:لاوش هالكلام الله يحيك انت من اهل البيت انت الداخل
ونحنا
الطالعين بعدين مازن فيه ولابتسوي رسميه تراه بيت عمك
فارس:من كرم اصلك
والله اجل انا باطريق جايكم
فزاع:حياك فيمان الله
فارس: فيمان
الكريم
وقفلو فارس بالسياره طالعه قرونو والله لاقتلك ياريوف تقولي وليد

ويطلعون وليد ومازن افففف بطق وصل ودق الجرس وفتحت
الشغاله
فارس:السلام
عليكم
الكل:وعليكم السلام
قعد فارس بعد السلام والسواليف وطبعا البنات يتغطون
عن فارس بحكم
انه ولد عمهم فساريدورريوف بنظراته وتوه شافها جايه من المطبخ

وبأيدها القهوه فارس بغت تجيه جلطه من بلوزنها المخصره وصار
يطالعها وعيونو
تطلع
شرار وهي يوم شافتو تذكرة كلام رهف (بيقتلك)بغت تطيح الصينيه من
ايدها
تفاجأت بس قدرة تتوازن وجلست بكل ثقه بس قلبها يدق وشوي
ويطلع ماكملت دقيقه
الاوجاها مسج ع موبايلها
فارس:
"ريوف قومي بسرعه روحي لبرى الحديقه الخلفيه
انا جايك "
(طبعا الحديقه الخلفيه ملتقى العشاق وهي دايم تشوف فارس هناك
لانو
محد يدري بعلاقتها بفارس الارهف لانها ماتخبي عنها شي فصعب تشوفو
غير
بهذاك المكان)
ريوف ارسلت
"لاحبيبي ماتخليت عن عمري ادري
بتقتلني"
فارس
"مابقتلك بس اسمعي الكلام واطلعي لاأزعل عليك وترى ماراح ارضى

وبطلي عنادك "
ريوف
"لامو رايحه لمكان بطلع غرفتي الصبح عندي
جامعه"
فارس
"ماشي عاندي ع راحتك"
وقبل مايوصل مسج فارس الى وريوف طارت
غرفتهازي الصاروخ وقرت المسج
بغرفتها
ريوف ارسلت
"فارس حبيبي انا بغرفتي
الحين بنام وجامعتي بكره السعه10الصبح
لاتنسى تقومني احبك"
من طبع فارس هو
الي يقوم ريوف للجامعه كل يوم ولازم كل يوم ينام
ع صوتها وتصحى ع صوتو حتى
لوكانو متضاربين فارس ولع بمكانه ليش
عاندته وقعدشوي بعدين
فارس:يالله انا
استأذن(وناضر عمه)عمي توصي شي
ابو فزاع:لاياولدي نتقابل بالشركه بكره
انشالله
فارس:انشالله (وسلم وطلع)
ومن يوم ماطلع السياره ارسل لها
"انتي
اليوم غلطتي غلطتين الاولي لبسك والثانيه بتنامين بدون
ماسمع صوتك على كل حال
قومي نفسك بنفسك بكره لاني زعلان منك وهذا
عقابك مؤقتا انك ماراح تسمعين صوتي
يومين"
ريوف شافت الرساله من هنا وطارت عقلها من هنا وع طول ارسلت
"فارس
والله والله ولله والله اسفه والله معيدها ومالقيت الا هالعقاب تبي تموتني
انت
الضاهروبعدين والله ان لبسي موبقصد اعاندك بس هذا استر شي عندي"
وعلى طول قعدة
تبكي مثل الاطفال مع انو دمعتها موبسهوله تنزل بس
فارس هو الوحيد الي قدر ينزل
دموعهابكل بساطه وممكن يخليها من
انسانه منهاره لأسعد انسانه بالدنيا
فارس
قرى المسج وحن قلبه لحبيبته وقلبه وكل دنيته بس قرر يعقبها
بالرغم من انو هو
يعاقب نفسه اكثر لأنه مايحتمل مايسمع صوتها ومو
قادر يرسل رساله يكون قاسي عليها
فيها فقرر يطنش واول ماوصل
البيت جتو رغد ماشيه
10000
رغدتصارخ:فاااااااااااااااااااارس
فارس مفجوع منها:بسم الله وش فيكي
ياخبله
رغد:احلف انك رحت بيت ريوف ورهف وماقلت لي
فارس:اهاعلشان كذا داقه
10000 يالخبله وبعدين اسمو بيت عمي حمد
مورهف وريوف
رغد :مايخصني الحين بروح
عندهم مالي مالي مالي دخل
فارس:رغد راسي يدوروبعدين روحي ترا الباب بالباب
وبعدين اناموب
فاضي لبزارين وخري عن وجهي
رغد:فروس ابي اروح مالي دخل فيك
وبعدين هالحين وخايفه انت وديني
(قعدت تلف لفارس)وبعدين هذا الجمال كلو وبزر قول
مادموزيل انسه
بس مو بزر
فارس ينرفزها:طيب ياعانسه وخري عن وجهي

رغدمفجوعه:انا عانسه
فارس:لاانسه واحلى انسه بعد خلاص يالله
وخري
رغد:اوكي مسيو تفضل
فارس:شكرا
وطلع وخلاها تحت اما بالنسبه لريوف بكت
لمن استسلمت لنوم
وفارس ضل مع تفكيرو ايش الحين تسوي اكيد انها تبكي تقطع قلبه

عليهاومتردد يقومها ولالا واخير مل من التفكير وحط راسو ع
المخده وتقلب
الين نام
يوم الربوع الساعه 10الاربع صباحا فارس يفكر
فارس:يترا قامت ولالا
اففففف احس اني بنجن وبعدين انا حمار مالقيت
الاهالعقاب هو صح عقاب لها بس انا
بعد قاعد اتعاقب امممم لازم اغير
العقاب وش اختار اففففف
اما رهف قامت مثل
عادتها الساعه 8الصباح وتروشت وغيرت وحطت ميكب
خفيف وع الساعه 9ونص راحت تشوف
ريوف كالعاده بس هالمره استغربت
اختها نايمه بالعاده عاهالوقت تكون خالصه وتكلم
فارس بالجوال
المهم صحتها
رهف بهدؤ:فيفو قومي يالله راح تتأخري ع
الجامعه
ريوف:لابدري لسه وقت الجامعه فارس يصحيني<<<نسية انو زعلان

رهف:فيفو الساعه 9ونص قومي راح نناخري ع المحاضره
ريوف:اووووووووه انتي
ماتفهمين خلاص قلتلك بدري
رهف:اوكي ع راحتك انا رايحه باي
ريوف:بااي
اما
عند فارس الساعه عشره الصباح قاعد يفكر ياربي كيف اعرف اذا
قامت ولالا ياربي من
هالبنت بتجنني اخر شي استسلم ودق عليها
قامت ريوف ع صوت جوالها الي قاعد
يدق
ريوف صوتها كلو نوم:الوو
فارس بستغراب ويتصنع الحده بارغم انه مشتاق
لصوتها:ريوف انتي
نايمه
ريوف سمعت صوت فارس وفزت:هااااه
اممم....
فارس:يعني نايمه
ريوف بدلع:طيب حبيبي انت ماصحيتني
فارس جمع كل
قوتو وقاوم دلعها وقال بحده:ريوف قومي اللبسي عشان
تروحين الجامعه
ريوف
بعناد:مابي انت مو باباتي مالك دخل
فارس:ريوف قومي دام النفس عليك
راضيه
ريوف:مابي علبال ماقوم واخذ دوش نص ساعه عبال البس واتكشخ
نص ساعه
ثانيه وعبال افطر 5دقايق وكذا خلصت المحاضره ليش اروح
(كانت تبي تقهرفارس)يووووه
نسيتني اسقي باقة الورد
فارس:باقت ورد؟؟؟
ريوف الي من وليد اكيد ذبلت يالله
باي رايحه اسقيها
فارس مات قهر وغيره:اوكي شدي حيلك
ريوف:اكيـ
ماكملت
الاوفارس قفل الخط بوجهها
فارس:احسن هي هذا لأسلوب الي تبيه والحين دوري اوريها
الغيره
ياربي هي من مين تغاار اممممممممممم ايوه من ليلى ههه والله
لجننك
ابتسم ابتستمة خبث وارسل مسج
"ريفو ع فكره ليلى تسلم عليكي وانا رايح
امرها بوديهاالجامعه و
نروح نفطر اذا حابه نمر عليكي انا ولولي ورغودردي لي مسج
"
هو اساسا يكذب لأنو ليلى ورغد بالجامعه من بدري وهو بالشركه
من الساعه سبعه
الصباح
هناريوف ماتت حره وارسلت
ريوف
"ان كان ودك تموت اليوم مر
وخذها"
وسارت تتصل عليه مثل المجنونه واخيرا بعد عناء رد فارس
فارس ميت ضحك
بس يسوي نفسه ثقيل:خير
ريوف معصبه:صدق بتاخذها
فارس يستهبل: من هي الي
باخذها
ريوف:ماغيرها ليلوه
فارس:اها لولي ايوا
ريوف:اوا انشالله لاتقول
لولي
فارس:ليه تغارين
ريوف بغرور: هه انااا اغار من ليلوه مابقى الاهي اغار
منها ويععع
فارس:اوكي خلاص
ريوف:وشو الي خلاص
فارس:خلاص بروح امر
لولي
ريوف:لاتقول لولي يعني رايح
فارس بحزم:اكيد ويالله
لاتعطلني
ريوف:اوكي الله معك
وقفلت الخط بوجهه
فارس ضحك ضحكه هزت المكتب
كلومن قوتهاالي هي ضحكة
الأنتصارعرفتوها
فارس:ههههههههههههههههههههههههههههههههههههههههههههه ه والله
هالبنت
مجنونه بس احبهاههههه
بعدها سمع صوت
الباب
فارس:تفضل
السكرتير:عم فارس والله ودي اقولك اخبابس والله مدري كيف
ابدا
فارس بدا الخوف عليه:محمد قول وش ساير
محمد:شوف ياعم انا سمعت من الربع
الشريك الي تعاملت معه شركتنا
بامريكا نصاب كبيير وكثير من الربع سوافيهم عمليات
نصب وبعدها
تطيح شركاتهم طيحه مابعدها قومه
فارس توتر:بس يامحمد هذا تاجر
كبير واللي اعرف انه من اهم التجار
والوالد يومه سوا الشراكه كان واثق بهارجال

محمد:انا لوماحب العم سالم وله معزه خاصه عندي كان ماتكلمت وانا
الي عندي
من امانه وصلتهاياخوي والي تبيه رقبتي سداده
فارس:بيض الله وجهك وماتقصريامحمد
الحين تقدر تتفضل
محمد:شكرا ياعم على الوقت الي اخذته منك

فارس:العفو
وطلع محمد وقعد فارس بين نارين مايدري يفصخ الشكراكه من
هالنصاب
ولايخليها ومايصدق محمد بكلامه فكر وتوكل على الله وبدا باجراء فك

الشراكه لانو قال اذا فكها مابيخسر شي بس اذا استمر ونصب عليه
بيخسر فقرر
فصخ الشاركه من اول المشوار وتم كل شي بهدؤ وحتي
النصاب و بالأصح التاجر الثاني
ماعارض
يوم الربوع الساعه6:30 المغرب ببيت الجد
كل عمان ريوف وعيالهم مجتمعين
وطبعا احنا ماتعرفنا الاعلى عائله
وحده والي هي عم ريوف سالم اما الباقين راح
نعرفهم الحين
منصور60سنه متزوج ايمان وعمرها48سنه وعيالهم مازن وهوصاحب
وليد
بس يقرب لريوف ولدعمها مو مثل وليد ولد خالتهاوعمره30سنه
وماجد
وعمره29سنه وحمد وحمدان 23سنه توأم وليلي الي تغار منها ريوف
لأنها تضن
ان ليلي تحب فارس بس ضنها غلط وليلى عمرها22سنه اما
عهود17سنه وهذا عمها الأول
وبعده عمها منصور ابوها وبعد ابوها

عمها سالم وتعرفنا عليه وعلى فارس ودرغد
بس ماتعرفنا على عياله
من فاطمه الي هم فواز وفوز وفرح فواز 19سنه فوز18
وفرح17سنه
وهذول عيال عمها سالم غير فارس ورغد وبعد عمها سالم

عمهااحمد52سنه وزوجته خوله49سنه وعياله سلطان23سنه وسامي
22سنه
وسالم21سنه وسحر20وساره19سنه وسمر18سنه وسماح 17سنه وبعد عمها
احمد
عمها الحنون والحبوب من اكبر شخص بالعائله لأصغر شخص وهو

ناصر50 سنه يموت
على بنات اخوانه لأن الله مارزقه ببنات وزوجته
هي مهراوعمرها 38سنه اتزوجها وهي
صغيره بالحيل وجابو عيال بدري
وهي دايم مع البنات ومره حبوووووووووووبه مثل
زوجها
وعيالهم طلال24سنه منصور22سنه حمد 21وسالم20 اما احمد 19سنه وناصر
من
كثر مايحب اخوانه ومتعلق فيهم سمى عياله بسمائهم اما طلال فسمى
على ابوه وهذول
عمان ريوف وعيال عمها
(نــــــــــــــــــــرجــــــــــــــــــــــــــ
ـــــع)
الكل مجتمع ببيت الجد من اكبر شخص لأصغر شخص بالعايه وهذي الجمعه
كل
ربوع من المغرب الين الجمعه المغرب وبيت الجد يتكون من اول ما
تدخل من البوابه
قدامك فله كبيره جدا وهي ماخذه الواجهه كامله
على يمين الفله فله دوبلكس دورين
وهي لمنصور وجنبها نفس الفله
وهي لحمد وجنبها نفس الفله وهي لسالم اما مقابل
فلة منصور
فلة احمد والي على يسار فلة الجد الكبيره وبجنبها نفس الفله
وهي
لناصر وبجنب فلة ناصر فيه مجلس فخم جدا وهو لستقبال الرجال
وكان لكل فله
بابين باب على من داخل الفله يودي الشارع
وباب من داخل الفله يودي على الحديقه
والي هي تجمع
الفلل كلها في حوش كبيييييييييييييييير جداوحوالينو الفلل وكانو

البنات متعلقين ببعض جدا بحكمم انهم بحلوق بعض وكل يوم شايفين
بعض ....

اتمنى تعجبكم البدايه والي جاي افضل انشالله ^_^